Alex 自己記下了他的人生哲學或者叫座右銘 可能部份他親身同大家分享過 但我解釋唔到 folder 名稱中間嘅 ‘2’ 字係咩意思

初出茅蘆上班第一個星期，公司擴張分拆子公司後大執位，新坐喺我前右方嘅就係大師。從此我係全公司最清楚佢工作嘅人之一，因為日日喺位抬頭向兩點鐘方向望就係睇住佢個螢光幕。 當人人忙到放飯或放工都有遲無早之際，我發現呢位大哥係不受附近時空事物拘泥，專心開 Illustrator 放大縮細，喺度畫花畫草畫雀仔，但又真係畫得好襟睇。 平時唔會主動同人講野，但周圍嘅人不論部門都周不時來問佢意見，打擾佢畫公仔，所以幅幅都畫一兩日。當時心諗，呢間真係好公司，出糧請人做佢地鍾意又善長嘅野又得，參與其他部門嘅工作又得，仲有返工時間自己話事！ 後來先知佢係多材多藝嘅二老細，以身作則鼓勵大家應該務正業之外努力鑽研其他有用和有趣的事，成就昔日同事紛紛像 Paypal Mafia 一樣成為今天在各行業發光發亮的誇領域創新科技領袖們薪火相傳，延續大師的影響力。

有日約咗女友放工食記念日晚飯，但自入職受大師良性影響秒秒瞓身投入工作，到臨放工都未安排夜晚食乜，情急智生，厚住面片請教大師介紹啱拍拖嘅餐廳。 佢聽完就招牌咪眼一句：「得！去深水埗萬發啦，係九江街叫飯店果間，唔係其他萬發！」 果陣仲係細路仔，完全無諗過記念日可以約女友去舊區食啲咁男人浪漫嘅大排檔，但大師嘅品味同解難能力堅係世一，果度嘅撚手小菜配枝大啤，一晚已經拉近咗同女友嘅距離，為之後結婚打下穩固基礎，亦得到大師帶埋囝囝到場祝福。

公司被收購，舊同事各散東西後，就無機會再見到Alex，同佢吹下水了。 佢係被Passion Leads嘅男人，好多所見所聞，同佢吹水已經係一種放鬆同享受。 Alex 對我有咩影響？ 
我第一份design工，入職就坐係佢隔離。果段其間，我學左好多野，得到佢好多嘅分享。 佢令我明白，將自己嘅經驗分享給有心嘅人，係會1＋1大於2。 佢令我明白，自己鐘意嘅野，就應該用心去學、鑽研，享受滿足嘅成果。 英國讀書嘅時候，佢最正係爬上架Mini Cooper上面玩，細細個就勇於嘗試。 勇於嘗試、多才多藝、願意分享、愛護家庭，佢就係一個咁正，羨慕但唔會令人妒忌嘅男人， 佢係Alex Lo，大家叫佢大師。 #天妒英才 #仲係接受唔到

我同ALEX 係中一至中五的同學，大家（有另外兩位同學）都係住學校附近，佢住警察宿舍，我住麗閣村，所以，經常一齊放飯回家食飯時、飯後回學校時或放學回家時都會順路一齊回家，感情就係咁建立起來，當時佢已經好鍾意玩模型車、氣槍等活動，佢好樂意分享佢既知識俾我哋聽，到佢中五畢業後就去左英國讀書，我還有同佢書信來往，雖然唔多，大約一年一封，但當時我哋呢D窮學生只能靠書信來往黎知道大家生活情況，好開心當時我們有彼此聯繫（我還有KEEP 起所有信件呢）。 估唔到你退休後，我們還做埋鄰居，同你都算係好有緣份，亦都係咁，你第一次出事入醫院，我都係第一批同學（亦都係最後一位同學）黎探你，好心刻印像你訓係床上同我和亞錦講的一番話。。。。。好慶幸呢一年治療期間能陪伴住你，更慶幸我今生能認識到你呢位同學，雖然你讀書成績唔係好TOP，但你乜鬼都識，又肯分享，多謝你。。。。同學，一路好走。

知曉大師離開，已有多日。其實內心痛楚尚未平復，也還未真正回過神來。由於世間各種因緣際會，此時我沒有能力回到香港，與舊日同僚一同出席大師葬禮，心裡煎熬萬分，遺憾萬分，山海之隔也只有留書以表心意。又或者將文字的紀念，當做情緒的傾瀉；又或者悲觀地認為除此之外我于這世間任何人任何事都無能為力，唯能將感受描述一二，以作悼念。 舊日上司與同僚共同為大師搭建這個網絡平台，好讓大家得以分享一些與大師共事的經歷。一早得知的時候我也試圖寫一些什麼，所以努力地回憶過。玄妙的是，我難以完整地描述出任何一個具體的事件，去講述來自於我記憶中大師的故事，只是無數的碎片在思緒中漂浮著，光怪陸離，照出一些大師的側影。翻看其他朋友所分享的文字，大家都在不約而同地印證著大師耀眼的過往，與我記憶中的大師並無二致，快樂的，親和的，無私的，有智慧的大師。世上諸多誇讚詞語用來形容大師都非常恰當，而伴隨大師的離開，很難讓人不去思量為什麼天妒英才，是否真的慧極必傷。 每每想起大師離世，深覺悵然。過客如我這樣一個曾受大師照拂的小小員工，已感到如此悲慟，大師的家人應是痛到極致難以言說，外人實難感同身受，言語亦無力開解。思及此，只覺心中苦悶又加一層。作為曾經下屬，在工作中窺見大師精神的一些片段，便可感受到大師心中乾坤，包羅萬象；大師是自由的，也是堅持的；如燈塔如明月，大師一定在漫長的時間裡，照亮過無數人的內心。而此間，燈塔已滅明月已逝，我想，對於所有認識大師的人，打擊不可謂不大，或如信仰崩塌。大師在世時，言談行事使人受益良多，大師離世後，又使得我們內省人生。直到我看見大師愛人為他寫下的生平，敘述大師的一生以及病痛始末，那難以被詳述的，不願意相信的複雜心情，才恍惚間塵埃落定。 有時會思考，會不會人在離世時是什麼年齡，就會以同樣的年齡開始異世界的生活？假如答案肯定，那麼大師一定會以全勝之姿開始新的冒險，而無論他去了哪裡，都會成為同樣光芒萬丈的人，只是我們大家在短暫的未來裡不再相見，直至我們大家也“移民”他處。在共同悼念大師的日子裡，希望我留下的回憶與想念亦能伴隨大師一同遠行。 吾惟願大師在他處玩得開心，敬望大師的愛人與幼孩平安喜樂。

在Youtube裡找回一些舊記憶，原來已經是11年前的事。 2011年，那個可能是我們創作上最大膽及瘋狂的年代。不知為何我們會成功遊說客戶拍一條搞笑廣告片，還要自組班底拍攝。台前幕後由導演、演員、劇本、Cam Man、道具、燈光、場務都是同事幫手擔任，當然也找來兩位好友擔當主要角色。 這條廣告片的概念是借當年大熱的電影INCEPTION，大抽其預告片水來介紹客戶信用卡的強勁功能及優惠。當中的一個角色，由米高·堅飾演的大學教授，我們一致認為由大師擔當最貼切不過。 當下立即找大師出手，大師知道劇情內容之後即耍手擰頭，笑笑口說：「出鏡依家野唔好啦卦，仲要我煲東瓜！」從他的表情，我就知道他最愛玩，又怎會拒絕我們！？最後他也參與了這次拍攝，更提供了他的攝影器材。大師口是心非，實情是出心出力。 雖然大師只客串了一兩個鏡頭，但他卻陪著我們一起拍攝。鏡頭前他會搞笑，當Roll機時他會認真扮演角色，鏡頭後他會幫手睇鏡、擺位。有幸得到大師的加持，拍攝順利完成，客戶也非常滿意。 現在從看真的雞皮四起，不堪入目。但還是很感激大師，有他一起柴娃娃地玩，加上他的煲東瓜對白，才會成為一個經典！ 收看影片： 0:26 – 0:33

与大師未有過多交集一面之緣在公司北角年會，雖然唔熟大師俾人印象一往探索向前，如Pathfinder一樣帶領公司在同業中保持强勁競爭力，幾日前與舊公司同事飲茶聞得消息，感慨 惋惜 天妒英才，斯人已逝，僅此想寄語太太同小朋友，我雖無法感受你哋既痛，但同爲父親，爸爸對小朋友的快樂成長，先生對太太的幸福安康，呢份挂念天涯海角亙古不變，大師只是行快少少可能去到平行時空宜家都係做緊R&D，呢份心與愛的連結始終如一，節哀 勇敢 前行。