有時Event setup、Launch或者維修，大師都會帶埋仔仔 Shannon去試玩，有時可能一家人食完飯突然維修，就成家出黎陪大師工作，大師係一個非常顧家的人。於 2018年尾，臨近大師退休之時，有一個Project要去五個地方的酒店Setup同 testing，要離開咁耐，大師又點會捨得屋企，所以最後大師只陪伴我去一半旅程，兩個國家。 去到每一間酒店，除左setup，仲要扮演唔同角色去試一次operation，大師在旁邊都導演上身，拍低每一個拍景。呢個project工作輕鬆的，冇乜突發性驚險，都可以享受一下酒店設施，叫做畫上大師工作生涯一個完美的結尾。 在短短幾年同大師工作的時期，大師樣樣野親力親為，原因係佢曾經講過佢熱愛日本文化係因為日本人唔中意麻煩其他人，大師亦都成日同我講「自己有能力做野的事情，儘量不要麻煩別人」。

在工作上，我同大師上過幾次廣州，每次都有驚有險。第一次係為左親身試下訂做的Sensor 係咪可以 detect到高速既波，於是我、大師、Alvin Li、Ben去間廠到試驗一下。過完關後，發覺原來只有大師身上有幾百蚊人仔，我以為跟住呢三個人實冇事啦，點知的士都唔夠錢搭，好彩我開通左海外ATM提款，我地搭的士跟住廠的地址去，點知去左個無人的圍村，於是我地跟牌號搵，原來間廠只係家庭式作業的，但冇所謂，反正我們都是土炮的，最後當然成功而且帶回所有器官回港。 有一次係一個廣州project，要去門店裝一個貨架kiosk，前後上左去幾次，第一次睇場，亦都約左大陸vendor幫我地做hardware，大家睇完場度完尺之後就去一間café 傾點設計同點做，我同大師用非常普通的普通話溝通，最後竟然做到出黎都覺得神奇。但事情冇咁簡單，永遠事情都不似預期，原本諗住放低就裝好，但都係要係酒店搞一大輪先work，其間大師在酒店叫外賣比我地食，大家迫住係一間細細的酒店，圍住一齊食飯，感覺真溫馨。 仲有一次要玩VR，當然要試過先知邊部VR好，於是我地參加VR展，因為大陸已經發展左各式各樣的VR裝置，但由於技術成本問題，唔係間間VR都配備 120Hz 已上的眼鏡，由於 framerate 太低，試VR試到我地由暈又嘔，唔親身試，又點知會嘔呢。

踏入端午節，我地要去赤柱 setup 一個遊戲booth，大師提議玩噴水，隔幾日就買左兩個車用雨刷噴水頭返公司。遊戲係拍拍機兩人對戰，只要落後一方就會被噴水。到了Event當日，其中有位大嬸瘋狂排隊玩遊戲，因為玩完有禮物，但佢又玩得唔高分，由於我設計可以即時調較噴水量，大師一見到佢玩就將噴水量調較到最大，最後大嬸濕晒，當時笑到我地 gap gap聲。

大師每次出Event Setup都會親力親為，包括自己揸車、自己搬運，每次 Setup我地都會等Deco production 裝好木工先，但通常都一定會同預期有出入，為免打搞木工進度，好多時大師都會自行操刀去修改，所以佢車上都存放工具箱，有一次木工度門原本要開兩個窿，圖紙都有畫，最後大師用萬用刀自己開左兩個窿，一個圓一個方。 除左硬件之外，Graphic上大師都試過親自落場。有一次，做左一隻 Mobile socket 控制的滑雪Game，玩完 Vending machine 會自動跌獎品，由於大師擔心Game內角色滑雪動作唔自然，於是我幫佢影左幾張滑雪Top shot做角色身體。

短短一年(2014 – 2015)，扭蛋機由大師手已經由 Mark I 發展到 Mark III，Mark I 係一部由 DANDAI 街上見到的扭蛋機改裝，Mark II 已經進化到連外觀都由大師親自設計和建造。事原有一個project 需要十部扭蛋機放落十間分店，大師用 AI...

故意由 2014 年開始，當時我已做 developer 幾年，有一日大師問我有冇玩過 Arduino，我幾日後整左個玩具版 Arduino 扭蛋機，慢慢就開始成立 R&D team，專做 IoT / installation projects，當然一開始我地靠做exhibition 先，大師好興奮咁買左部二手 BANDAI...