話說公司每年嘅聖誕聯歡會、Annual Dinner等，都一定會搵公司裏面最舉足輕重嘅大人物贊助禮物作大抽獎。而每年響呢啲節目裏面， 大夥兒最期待嘅當然係希望自己可以成為被大師抽中嘅幸運兒，因為大師一出手，便知有沒有~

大師嘅訓身演出又何止喺 annual dinner。就連公司搬 office 砌枱、裝修佢都親力親為，試問塵世間仲有邊個好似大師咁貼地嘅老細？

請食飯 同大師共事過嘅人都會知，同大師出街食飯，係永遠唔駛帶銀包的。 每次去到埋單嘅時候，大師都會一手拎起張單，睇都唔睇就就即刻畀錢。試過有新嚟嘅同事唔識規矩，諗住唔好意思，諗住話夾番錢，大師即刻好霸氣咁話：「同我出街食飯，無人需要畀錢嘅」 所以為兩餐，我哋成日都會諗下一啲唔同嘅噱頭，一時就出 job，一時就 Team Lunch，一時就 Round Table，咁就可以成日免費食到好嘢 😋 圖為 2015年11月27日，我地就攪左個 PP Round Table，搵齊唔同 Teams，叫左十九幾人（有福同享嘛😏）一齊話傾下公司未來三年嘅發展方向，仲扮晒野咁定咗一個...

講起大師嘅事，當然不得不提嘅就係佢成日畀我哋搵佢笨實 😂 大師外表好似兇神惡煞，披住鱷魚皮咁，但只要識佢耐咗，你就會知道佢其實係老襯底一名 🤣 佢係一個完全不拘小節嘅人，只要你夠膽開聲問佢，事無大小，佢都會幫手，滿足你所有嘅要求。所以唔好彩遇著好似我呢啲面皮夠厚而又無恥嘅人，就只可以畀我哋撳住搶😝 想當年公司有乜嘢聯誼活動，我地都會第一時間諗起大師，唔係要搵佢幫手做乜嘢，而係要佢搵佢科水 sponsor。搵到個老襯，我地其實都唔需要做咩嘢包裝，只係直接走埋佢個位度同佢講”家陣老笠” 🤣 有大師呢個大水喉射住，想當年嘅公司活動可謂搞得有聲有色，充滿創意🤩 圖中所見係 2011 年嘅「撳 mission」，睇到大師手中握大疊銀紙，就知呢個係一個撳住搶佢錢嘅 mission ，諗番起都熱血沸騰 🤑

由我一畢業出嚟做嘢認識大師，對於我黎講，大師唔只係一個老細，一個前輩，一個工作夥伴，佢一直都係我最好同最重要既生命導師。佢從來都冇長篇大論同你講道理，教你呢樣教你個樣，但係佢日常嘅行事為人，就已經係我做人做事既學習榜樣！ 記得2008年嘅時候， 大師同Alvin畀機會我同 Alvin Li 由 PacificLink 分拆出嚟，成立一個新嘅 Brand – PixoPunch。對於一個只係出來工作咗四年嘅𡃁仔可以有呢個機會，而家諗番都都覺得好 amazing… 想當年真係唔知佢哋那來有咁大嘅信心，會放心放手畀我地去搞；當時無論係公司名，Logo，人手，生意，都可以話係完全放手畀我地去做。而除咗給予我哋100％嘅 support，大師更加係身體力行，將佢自己搬埋過嚟 PixoPunch，全時間幫助我地成長同發展。呢咁多年嚟，不論係度橋、砌 Proposal...