想當年仲未結婚、生仔，有一次同事婚宴中，見到大師帶埋阿仔出席。小朋友，一啲都唔怕生，好奇心旺盛，四處發掘新事物。兄弟團喺到扭汽球，Shannon 問大人拎完啲汽球，又坐埋一邊扭。扭咗一輪，扭唔到，再望大人兩眼，就發現原來自己手頭上嘅材料，少咗一個用嚟接駁嘅扣，即刻識問大人拎返個扣。呢一幕，我一直印象深刻，以致之後，每次有人問我有咩育兒方針，我都係話，有大師個仔一半我就滿足⋯⋯ 一個強大嘅人，總會係喺不知不覺之中，感染到其他人。