永遠榮譽總理
話說公司每年嘅聖誕聯歡會、Annual Dinner等，都一定會搵公司裏面最舉足輕重嘅大人物贊助禮物作大抽獎。而每年響呢啲節目裏面， 大夥兒最期待嘅當然係希望自己可以成為被大師抽中嘅幸運兒，因為大師一出手，便知有沒有~
Category Archives: Uncategorized
Order By
Share
車對男人而言點止交通工具咁簡單
工作上同大師完全冇交雜，但因為車嘅關係，同事們介紹左大師比我認識。 當時準備買呢世仔第二部車。第一部車因為自己唔識睇車，原來波箱有問題… 所以對於第二部車膽戰心驚。將呢個case share 比大師聽，佢完全冇新同事/新朋友嘅隔閡，擺低手頭上嘅工作幫我呢個新手分析，再順手導我入”棍波”坑 LOL 更甚嘅係，我約左位師兄睇車，咁岩就係太古。大師二話不說就拎埋手套電筒同我一齊去睇，仲睇得極度認真，瞓埋地下幫我照車底狀況。當時仲要係夏天OMG… 作為小薯嘅我真係好感動。 咁多年後我都記得大師嘅分享 “如果你鍾意車，想同部車多d交流就買棍波，棍波車係當你揸左幾年之後，你都仲會覺得自己係部車身上學到野。“
Share
行走的 Google – by Cyrus Yung
真係好難以接受大師嘅離開，雖然共事時間好短，但呢十幾年都間中message請教下大師，由關於設計工作嘅流程同知識，到年幾前都仲問緊車嘅嘢。基本上問咩都可以傾到好深入，行走嘅google咁 佢完全係一個走係科技尖端嘅人，果時開始有除噪耳機就見佢買返嚟試，有3D print果陣就已經試緊，連數碼背都唔係當年常見攝影器材嘅時候，佢已經玩到唔想玩 好難得見到一個人，會係任何人都從心底裡尊稱佢做大師，我仲好記得佢講嘢嘅tone同笑聲，仲有果種完全無架子對所有同事一視同仁嘅態度 依家我體會到咩叫天妒英才
Share
無私分享的大師
工作能力是第一流，人也是第一流。有一次我問他如何選一架家庭車，他很用心的跟我分析價錢功能，我的用途，多個車廠的不同優缺點。分析得很仔細。他知道的多，也很願意分享，你願意問，他一定很有耐性的去教。 也有次我去請教他一些App設計的問題，約他吃飯，他也是爽快答應。個次仲係佢請客… 真興幸能遇到這樣的一位大師。
Share
古怪大師
天才橫溢的人總是古靈精怪。08年入職嘅時候，Alex 大師比我第一個印象係一個好古怪嘅人，因為每次影團體相嘅時候佢都係雙眼向上望，裝出一張鬼臉，又或者鐘意橫臥在最前，終於喺佢離、開公司之前我哋有張正經嘅合照喇。
Share
凡事親力親為既大師
初初入pp頭幾年都冇咩機會同大師合作，只係知道呢位係受人尊敬既大師, 去到後期開始做installation既project就多左好多合作機會，所有project 既site check, on-site set up, 大師都會親自落場落手做，冇人係會覺得呢位係老闆，因為佢完全冇老闆既架子，但又絕對有老闆既霸氣 永遠懷念呢位霸氣的老闆 – The Master Alex Lo
Share
貪玩的故事 6 – 退休
有時Event setup、Launch或者維修，大師都會帶埋仔仔 Shannon去試玩，有時可能一家人食完飯突然維修，就成家出黎陪大師工作，大師係一個非常顧家的人。於 2018年尾，臨近大師退休之時，有一個Project要去五個地方的酒店Setup同 testing，要離開咁耐，大師又點會捨得屋企，所以最後大師只陪伴我去一半旅程，兩個國家。 去到每一間酒店，除左setup，仲要扮演唔同角色去試一次operation，大師在旁邊都導演上身，拍低每一個拍景。呢個project工作輕鬆的，冇乜突發性驚險，都可以享受一下酒店設施，叫做畫上大師工作生涯一個完美的結尾。 在短短幾年同大師工作的時期，大師樣樣野親力親為，原因係佢曾經講過佢熱愛日本文化係因為日本人唔中意麻煩其他人，大師亦都成日同我講「自己有能力做野的事情，儘量不要麻煩別人」。