每一次同同事分享presentation 嘅技巧時，我都會諗起你嘅一件軼事。係我剛剛入行嘅第一年，某次因為等開工而坐左係度傾計，你無啦啦講左一個”白飯魚”嘅故事，當時我聽得好入神，仲問左你好多問題，係故事嘅最後，你講左一句：你信架？下 ….. 我呆左 …… 我仲諗，你係咪整古緊我呢？然後你同我講：知唔知點解你會信一個咁匪夷所思嘅大話？因為你已經跌左入我個story 度 …… present 都係一樣，要用唔同角度同例子去佐證 … (下刪一千字)。我可以好誠實咁講，係你令我覺得講故事係一門藝術，成個過程你一直都笑笑口，完全唔係果種塞錢入你袋嘅感覺。當我提出我嘅諗法時，你會好認真去聽，然後用另一個故事去解答我嘅問題。自從果幾日不停傾計後，你成為左唯一一個男人你會令我成日好想搵去傾計嘅，你嘅灑脫同風度都令人佩服。多謝你嘅出現，開拓左我各方各面嘅眼光。大師，你同你講嘅每一個故事一樣精彩。