收到你離去的消息， 我地班RC班街坊都覺得好突然， 有d難以接受， 我同Cherry諗起大家相識既點滴， 真系好唔開心，不經不覺， 我地都巳經識左10幾年囉， 需然大家可能平時唔系有太多互動， 但心裡總系覺得我地都系好鄰居， 老朋友囉， Cherry同李太每次撞見你地都會分享你嗰仔有幾叻， 一個十分聰明的小朋友， 而我仲好記得我成日響2樓停車場撞到你整車, 都會經常傾幾句， 你真系好叻， 咩嘢都識， 就算講人生都會有一套獨到見解， 就講整車， 成日見佢拆散架車裡面整尼樣整嗰樣， 仲講笑話有時都唔知點攪， 但你唔行出第一步唔研究佢你永遠都唔會識， 你真系好有heart， 而且好有禮貌，謙虛， 又冇架子， 好優秀的一個人， 真系唔服你都唔得呀， 所以每次我地2公婆見到你地一家人都感覺好親切， 系好親近既好好朋友。
我相信好人一定會有好報的， 期望你在神的懷抱中得到安息。